Tulala at hindi na naman makapaniwala si Bendita. Ilang oras silang nasa biyahe pero hindi pa rin mawala sa isipan niyang sa wakas ay naka- face-to-face na niya sa wakas ang boss ng KN. Nai-imagine niya ang sarili niyang namimilog ang mga mata habang nakatitig lang sa lalaki noong binuksan nito ang pinto ng sasakyan kanina.
Napalunok pa siya at napakagat-labi. The whole ride ganoon lang yata ang kanyang posisyon. Ni hindi nga siya gumagalaw. Mas lalo pa siyang naloka noong mag-stop over sila para kumain at naka face-to-face niya na naman ang lalaki.
Halos hindi na nga siya makalunok at hindi na rin siya makaangat ng tingin. Katabi niya si RA at nasa tapat naman nila ang driver nila at si Niccolo. Sobrang tahimik ng lamesa at tanging naririnig niya roon. Ramdam niya rin ang panaka-nakang
