PINANINDIGAN ni Rain ang desisyon na hindi tanggapin ang offer na movie project para sa kanila ni Dion. Nagalit ang manager niya dahil imbes aregluhin ang problema nila ni Dion, lalo siyang lumayo. Gusto lang naman niyang manindigan. “Dumarami ang haters mo, Rain. Marami na ring taong involve sa isyu ninyo ni Dion. Bakit may third party isyu na?” palatak ni Clarice. Patungo na sila sa venue ng taping. Nasa pasilyo sila ng hotel at mayamayang humihinto dahil may nagpapa-picture sa kaniya. “Wala akong alam tungkol sa third party,” aniya. “Iyong pagpunta mo sa buko express store. Nakuwesyon ng mga tao ang ugnayan mo sa mga lalaki roon. At naroon pa ang stepbrother mo.” “Mga kaibigan ko ang may-ari ng store, kababata. Si Kaiden ay nagustuhan ang products ng friend ko noong bumili siya kay