INAYOS muna lahat ni Rain ang trabaho sa opisina at ang task na pinagagawa ni Lucio. Pagkatapos ay humingi siya ng break upang tutukan ang taping para sa movie. Naglabas na siya ng statement tungkol sa proposal isyu ni Dion at sinabing hindi seryoso si Dion sa ginawa.
Kaso nanatiling tahimik si Dion. Hindi siya nito kinausap kahit nagkasama sila sa huling taping ng endorsement nila. Upang mabawasan ang intriga, pinaunlakan niya ang exclusive interview mula sa sikat na showbiz talk show.
Gustong-gusto na niyang sabihing nakipaghiwalay na siya kay Dion ngunit pinigil siya ni Clarice. Lalo kasing lalala ang sitwasyon. Sumunod na lamang siya rito.
“Aminin mo na lang na talagang tinanggihan mo ang proposal ni Dion para matahimik ang mga tao. Magpaliwanag ka lang upang ipaglaban ang side mo,”
