MATAPOS ang isang maganang salo-salo sa hapunan kasama ang buong pamilya ni Jayden ay masaya pang nagkuwentuhan ang mga ito sa sala habang nagkakape. Dahil hindi naman siya maka-relate sa pinag-uusapan ng mga nakatatanda kaya nagpaalam siya na pupunta na sa kanyang silid para mag-night bath.
Si Jayden naman ay hindi pa rin siya pinapansin. Nainis yata dahil sa pang-aasar niya rito kanina.
Matapos maligo at maayos ang sarili ay nakarinig siya ng ilang katok sa pinto ng silid niya. Tumayo siya buhat sa pagkakaupo sa kama at tinungo ang pintuan. Nang buksan niya ang pinto ay si Jayden ang tumambad sa kanya.
"May kailangan ka?"
Matagal muna siya nitong tinitigan bago nagsalita. "Gusto kong mag-usap tayo, ngayon na."
"N-Ngayon na agad—teka sandali," aniya ng magtuloy-tuloy ito sa pagpasok
