"NAY, dumating na po 'yung visa ko."
Malungkot na tiningnan siya nito. Pang-apat na araw na ni Jay-El sa ospital. Pasalamat pa rin siya sa Diyos dahil bugbog lang sa katawan ang natamo ng kanyang anak. Wala ng iba pang pinsala itong natamo. Bagaman at nanghihina pa rin ito.
Isang Van na biglang um-over take ang siyang may kasalanan sa naturang aksidente. Lasing daw ang driver niyon. Sinagot naman niyon ang lahat ng gastusin nila sa ospital kahit na nasa piitan ito ngayon. Bukod kay Jay-El ay may apat pa itong schoolmate na nasa ospital din at nagpapagaling. Ang driver naman ng naturang school service ng mga ito ay malala ang kalagayan hanggang ngayon.
Sa susunod na linggo na ang laban sana ng kanyang anak sa Germany. Hindi na ito matutuloy dahil sa aksidenteng natamo. At dalawang linggo
