"BAKIT hindi mo agad sinabi, anak?" anang Nanay Cassandra niya ng ipagtapat na niya rito na nagkita na sila ni Jayden at ito pa ang kasalukuyang CEO ng Villaseñor Group of Companies.
Tahimik lang siyang umiyak. "Sorry po, 'Nay."
Hinagod nito ang kanyang likod. "Sshh. Tahan na. Okay lang naman sa akin dahil naiintindihan kita." Napailing ito kapag kuwan. "Si Sweet Summer pala ang nagpasama ng imahe ni Jayden sa iyo kung ganoon. Hindi ko alam na magagawa niya iyon sa iyo, anak."
"Sarili lang niya ang iniisip niya, 'Nay. Hindi man lang niya naisip na makakasakit siya ng iba."
"Ang mabuti pa ay kalimutan mo na 'yan. Nangyari na. Maiba ako, naayos mo na ba ang mga iimpakihin mong mga damit?"
Umiling siya. "Hindi pa rin po."
"Kung ganoon ay umuwi ka na muna sa bahay at ayusin mo ang mga da
