DUX
MABILIS ang pagpapatakbo ko ng sasakyan sa gitna ng kalsada. Suwerte naman na wala pang gaanong biyahero dahil pasikat pa lang ang araw. Pero napilitan akong bagala ang pagmamaneho nang matanaw ko ang stoplight hanggang sa tuluyan na akong napahinto.
Naiinip na nilalaro ng aking mga daliri ang manibela habang panaka-nakang sumusulyap sa ilaw. Hindi na ako makapaghintay na magkulay-green iyon.
Ilang segundo na lang ang natitira bago mag-‘Go’ signal nang hindi sinasadyang mapatingin ako sa loob ng isang convenience store. Saglit na naningkit ang mga mata ko para sipatin ang imahe ng babaeng nakatayo sa harapan ng counter. Nakasuot siya ng sombrero at nakasuot ng maong na pants at maluwag na puting T-shirt na naka-tuck in.
Teacher Maureen?
Naka-side view siya sa gawi ko kaya hindi p
