BLESSY
“KAYA mo pa bang tiisin ang sakit, Ate Imelda?” Hindi ko mapigilan ang mag-alala sa mayordoma habang tinitingnan ko ang sugat sa kaniyang balikat.
Ayon sa kuwento niya, nagising daw siya dahil bigla siyang nakaramdam ng pagkaihi. Pupunta daw sana siya sa banyo nang may marinig siyang tila bumagsak mula sa likod ng bahay namin. Pagsilip daw niya sa bintana ng maid’s quarter, saka niya nakita ang killer na sumugod sa akin sa loob ng banyo. Tumatakas sa bintana.
Dali-dali raw lumabas si Ate Imelda para magbigay sana ng warning sa mga bantay. Pero bigla siyang sinalubong ng killer at walang ano-anong tinigpas ang kaniyang leeg sana. Buti nakaiwas siya kaya sa balikat lang niya tumama ang scythe.
“Huwag n’yo ho akong iintindihin, Senyora Blessy. Malayo ho ito sa bituka.” Tinapunan
