BLESSY
SUMAPIT ang summer. Lumuwas ng Bacolod ang aming buong pamilya para pagbigyan ang invitation ni Makisig na um-attend ng birthday nito. At siyempre para na rin makapagbakasyon man lang kami bago magsimula ang kampaniya sa panibagong election na sasalihan ni Dux. Kung saan ay tatakbo na siya sa mas mataas na posisyon.
Ang maging governor.
Dahil nakita ko naman na kayang pagsabayan ng asawa ko ang pulitika at pamilya kaya hindi ko hinadlangan ang pangarap niya. Patuloy ko siyang sinuportahan. Katulad ng patuloy niyang pagsuporta sa mga pangarap ko.
“Mommy, ito na po ba ang City of Smile?” tanong ni Sebastian nang lumapag ang sinasakyan naming eroplano sa airport ng Bacolod. “Sabi po kasi ni Ate Maureen, tinatawag daw po na City of Smile ang Bacolod, eh.”
Ubod ng tamis na nginiti
