BLESSY
HINDI ko napigilan ang sarili ko na mapangiti nang maubos ko ang maalat na ice cream at matamis na chicharon na dala ni Dux. Hindi ko na muna inalam agad kanina kung saan siya nakakuha o nakabili ng mga iyon. Sobrang takam na takam na ako kanina nang dumating siya kaya nilantakan ko muna bago ko siya kinausap.
“Hmmm. Ang sarap.” Pinaikot ko pa ang aking dila sa palibot ng bibig ko para simutin ang lasa ng ice cream sa paligid ng mga labi ko. Saka ko lang sinulyapan si Dux na nakaupo sa upuan na katapat ko. Nahuli ko siya na titig na titig sa akin. “What?”
“Wala lang. Natutuwa lang ako na naubos mo ang mga dala ko,” amused na sagot niya. “I mean, sulit ang effort ko. Akala ko kasi, katulad ka ng ibang naglilihi na magkukumahog sa pagpapabili ng ganito, ganiyan. Tapos ang ending, h
