Chapter 19
UNANG bumungad sa ‘kin ang cream na kulay ng kisame nang maidilat ko ang mga mata ko, naramdaman kong may iba pa akong kasama maliban sa ‘kin kaya agad akong napabangon sa malambot na kama, namilog ang mga mata ko nang makita si Kalen na nakaupo sa dulo ng kama, umayos ako ng upo at siniksik ang sarili sa malambot na headboard ng kama.
“May ginawa ka ba sa ‘kin? Anong ginagawa mo rito? Anong ginagawa…ko rito?”
Nalito ako sa pangyayari na wala ako sa madilim na silda kundi sa hindi ko kilalang silid, hindi ko naman masasabing silid ko ito dahil magarang ayos nito na para bang nakatira ako sa palasyo, brown and cream ang nangingibabaw na kulay, mga abstract na painting, halaman sa loob, maroon na kurtina sa bintana at pinto ng balkonahe. Ang gintong lampshade sa nakapatong sa
