Minsan Pa
AiTenshi
Author’s Note: Ang mga musikang ginamit ko ay pinili ko lang talaga. Ito yung ginamit ko sa orihinal na libro kaya iyon lang rin yung sinunod ko. Huwag niyo na ako hanapan ng music noong 1960s LOL. Marami salamat po.
Part 24
Ilang araw makalipas ang libing ni inay, balot pa rin ng lungkot ng aming tahanan. Damang dama mo ang kakaibang katahimikan ng paligid na tila walang buhay. Nag mistulang sanctuaryo ng lungkot ang bahay noong mga sandaling iyon. Mahirap para sa akin ang pag kawala ni inay ngunit mas naging mas mahirap ito para kay Meg. Lalo itong naging malungkutin, hindi lumalabas ng kanyang silid at hindi rin kumakain. Mag hapon itong naka kulong sa kanyang kwarto na parang isang bilanggo ng matinding lungkot. Kaya naman ibayong pag aalala ang aking nararamdama
