KABANATA 42
PRESIDENTIAL SUITE
Kumurap ako ng maraming beses bago tanggapin ng sistema ko ang kaniyang sinabi. Tama ba ang narinig ko? Sinabi niya sa harap ni Savinna na nag de-date na kami?
"Really? Wow, Congrats!" sambit ni Savinna habang malawak ang ngiti sa mga labi.
Sumulyap naman sa banda ko si Tunner na siyang nakaupo akin mismong harapan..
"Kung gano'n pala ay dapat double celebration ang meron tayo!" ani Alec matapos nitong abutan si Tunner ng baso ng alak.
Humingi rin ito ng cheers sa mga kasama sa lamesa. Habang ako'y tahimik lamang sa aking kinauupuan. Paano ay agad na pumasok sa isip ko si Katarina at ang namamagitan sa kanilang dalawa.
Paano kung malaman niya ang bagay na 'to? Hindi rin mawala sa isip ko ang mga sinabi n'ya noon tungkol kay Tunner. Ano na lang ang sas
