“Bakit ho kayo pumayag, T’yang?” tanong niya sa tiyahin nang iwan na sila ni Ariel sa ibaba ng bago nilang tinitirhan.
Excited ang kapatid sa bagong silid nito, kaya naman matapos kumain, umakyat na agad ito. Pag-alis ni Gael kanina, kaagad siyang inilibot ni Ariel sa kabahayan. Una siyang dinala nito sa silid nito. Ito daw ang pumili ng mga gamit sa loob ng silid nito. Kwento ng kapatid, lahat ng ituro daw nito, binibili ni Gael. May TV, video game set, malaking kama, at may aircon din ang silid ng kapatid. Nakikita niya ang tuwa at excitement sa mukha ng kapatid habang inililibot siya sa buong bahay. Sinabi pa nitong ang swerte niya sa pagkakaroon ng nobyong tulad ni Gael. Hindi na lang muna niya tinama ang kapatid. Ayaw niyang mawala ang saya at excitement nito.
“Sinong tangang tata
