PANAY ANG PAGHAWI NI Sonja sa kanyang buhok na bumabagsak na sa mukha niya at umiistorbo sa pagsusulat niya sa kanyang laptop. Balik siya sa paborito niyang sulok sa Cafe Bonita mula nang dumating siya galing Stallion Riding Club para ituloy na ang mga nobelang kailangan niyang tapusin. Gusto kasi niyang makalimutan na ang mga nangyari roon. Nitong mga nagdaang araw kasi ay napapansin niyang napapadalas ang pag-iisip niya kay Rodjan na halos hindi na niya masimulan ang mga isinusulat niyang nobela. At hindi iyon maaari. Kailangan niyang magtrabaho at baka palasayin na siya ng nanay niya kapag hindi siya naka-suweldo.
Joke.
Pero…nami-miss nga niya si Rodjan. Nga lang, next time na lang niya pagtutuunan ng pansin ang kapritso ng puso kapag tapos na siya sa mga isinusulat niyang nobela. Sh
