PINIGA NI Sonja ang mga daliri at iwinisik-wisik sa ere ang kanyang mga kamay. Namamanhid na kasi ang mga iyon dahil sa ilang oras na niyang pagtipa sa laptop. Mahapdi na rin ang mga mata niya sa sobrang puyat para lang matapos ang kanyang mga nobela. Pero wala siyang balak na tumigil kaya muli niyang binalikan ang pagtipa sa harap ng kanyang laptop computer.
Hindi na niya alam kung ilang araw na siyang nagkukulong sa kanyang silid para lang matapos ang mga isinusulat niyang nobela. Nakasara kasi ang mga bintana sa kwarto niya at tinakpan ng makakapal na kurtina. Hindi rin niya hinahayaang nakabukas ang silid at lumalabas lang siya kapag kukuha ng pagkain o magba-banyo. Kailangan niyang magtiyaga para sa kanyang ina.
Her mother was still in the hospital. Matagal na pala nitong iniinda
