NAPABALIKWAS NG bangon si Sonja nang maalimpungatan. “’Nay!”
“Gabi pa, Sonja. Matulog ka pa.”
Nakaupo sa tabi ng kanyang kama si Rodjan. Sa itsura nito, mukhang matagal na itong nakaupo roon. She looked at her wallclock. Ang pagkakaalam niya, alas onse lang ng umaga nang makatapos siya sa kanyang huling nobela. Alas nuwebe na ng gabi ngayon. Pitong oras siyang nakatulog?
“Ang mga nobela ko!” Hinawi niya ang kumot at pababa na siya ng kama nang pigilan siya ni Rodjan. Tinapik lang niya ang kamay nito. “Bakit hindi mo ako ginising? Alam mo na ngang kailangang-kailangan ko iyong maipasa—“
“Naipasa ko na. You can check your Sent messages on your email account. Huwag mo na ring alalahanin ang kalagayan ng nanay mo. Naipasok na siya sa private room from the ICU dahil gumanda na an
