Benson
“Mama!” Napabalikwas ako sa pagkakahiga. Napanaginipan ko ang nanay ko. Nagising ako sa loob ng isang abandonadong bahay. Buong akala ko panaginip lang din ang lahat ng nangyari, ang pagta-time travel ko pero nang mapatingin ako sa suot kong damit na-realize kong hindi pala. Nakalimutan kong magpalit ng damit.
Hindi ko alam kung gaano ako katagal nakatulog pero feeling ko ay matagal-tagal din dahil parang nabawi ko lahat ang aking lakas. Tumayo ako mula sa pagkakahiga at bigla na lang kumulo ang tiyan ko. Nagugutom na ‘ko. Hindi ko na iyon ininda pa dahil may mas mahalagang bagay kaysa rito. Nagtungo na ako palabas ng bahay at nang makarating sa may pintuan ay pansamantalang natigilan. Nagbago na naman.
Bumungad sa ‘kin ang isang malawak na parangang. May pailan-ilan nang puno a
