Vicente
“Susmaryusep!” Ano ba ito? Nakakagulat naman. Hindi ko sinasadyang mapailag dahil sa pakabigla dito sa nilalaro kong barilan. Paano ba naman may nasulpot na lang na mga kalaban tapos parang totoo pa. 3D daw ang tawag dito.
Mabilis na lumipas ang oras, hindi ko ito namalayan dahil sa paglalaro. Halos lahat ipinasubok sa akin ni Benson ngunit ang pinakanagustuhan ko sa lahat ay yung karera ng mga sasakyan. Pangarap kong makasubok nito, kalabaw pa lang kasi ang namamaneobra ko. Noong una, nahihirapan akong magmaneho.
Palagi akong nabubunggo tapos minsan tumataob ang sasakyan subalit nang magamay ko na ito, nagagawa ko ng manalo. Madalas pangatlo, pang-apat lang ako ngunit minsan ako ang pinakauna sa humigit sampong kalaban. Masaya, kahit papaano nakalimutan ko ang problema ko.
Na
