Mabilis na nilisan ni Maia ang pinto ng kusina. Nanginginig na umakyat siya sa hagdan papuntang kuwarto ng binata para kunin ang pakay. Pigil ang mga luhang hinablot ang bag na may lamang laptop.
Lalong tumindi ang paninikip ng dibdib niya ng makita ang sling bag na pambabae. Hindi naman sa kanya iyon.
Kanino pa nga ba?
Malamang kay Elise.
Palabas na siya ng kuwarto ng harangin siya ng binata. Tinulak niya ito at paran makadaan.
"Baby, let me explain. Please… " si Eli na nakasunod sa kanya.
Napatigil siya sa paghakbang ng makita si Elise sa sofa na tumitingin ng pesteng brochure. Wala itong pakialam sa nangyayari sa paligid. Kaya naasar siya. Parang gusto niyang ihagis ang laptop na daladala. Pero nakakapagpigil pa naman siya.
Napakunot-noo siya ng makita ang pahina na tinitingna
