Hindi na nakita ni Maia si Eli sa mga sumunod na sandali. Hindi na rin ito nakasunod sa kanila.
Asa pa siya.
Malaki na nga ang umbok ng tiyan niya. Medyo mabagal na din siya maglakad dahil mabigat na ang dinadala niya.
Inalalayan siya ni William pasakay ng kotse nito. Sinundan niya ng tingin sa salamin ang binata na nagbukas ng pinto sa backseat para ipasok ang pinamili niya.
Naningkit ang mata niya nang makita si Eli na nagmamadali palapit kay William. Napaawang siya ng labi ng hablutin nito ang mga paper bag na hawak ni William.
Naiwan si William na natigilan.
Pumunta ito sa gawi niya at binuksan nito ang pinto sabay lahad ng kamay nito. Tiningnan niya lang ang kamay nito.
Hindi siya bababa. Hindi siya pwedeng sumama kay Eli. Kailangan magmatigas siya.
Ilang sandali pang na
