"Bakit ka ba naglasing?" mahinang tanong ni Acer kay Yana na sobrang daldal sa kanyang tabi.
"A-Ako? Tsk! Ba-Bawal ba?" Nilingon siya nito at saka tumawa pa. Mayamaya ay umiiyak na ito at hindi niya alam kung bakit.
Hinayaan lamang ni Acer na umiyak si Yana sa kanyang tabi. Paulit-ulit pa nitong sinasabi ang pangalan niya at saka ito nagmura ng malakas.
"A-Alam mo ba... sinira mo ang buhay ko?" Tumingin ito sa kanya at saka hinawakan ang magkabilang balikat niya. Niyugyog nito iyon habang umiiyak.
"Yang..." mahinang sabi niya habang nakatingin dito. Lasing na lasing ito at alam niyang magagawa nitong sabihin sa kanya ang mga sekreto nito.
"Kasalanan mo dahil may ginawa kang hindi tama!" Naiinis na inalis ni Acer ang kamay nito sa balikat niya.
"Anim na taon. P*tang*in*! Sa loob ng an
