Mahigit kalahating oras ang naging byahe nila patungo sa San Joaquin. Ibinigay ni Yana ang limang daang piso sa tricycle driver bilang kabayaran at dinagdagan naman iyon ni Acer ng isang libo dahil malayo ang kanilang naging destinasyon.
Pagkababa pa lamang ni Yana sa tricycle ay sinalubong na siya ng mga kaibigan ni Ate Julie, mga tambay sa may tindahan ni Aling Corazon.
"Yang!" malakas na sabi ng mga ito sa kanya. Napalingon si Yana kay Acer na nasa likod niya. Nagtataka ito dahil marami siyang fans sa bukana pa lamang ng kanilang barangay.
"Gumanda ka lalo, Yang. Kumusta ka na? Ilang linggo na rin noong huli tayong nagkita sa club ah, doon ka pa rin ba nagtratrabaho?" Inakbayan pa siya ni Nato at saka nito hinawakan ang ibabaw ng ulo niya.
Marami siyang katropa na lalaki dahil boyis
