"Bakit gusto mo akong patayin, Lana?" simula niya nang pareho na silang magkaharap na nakaupo doon.
Nasa baba lang sa mesa ang tingin ni Lana. Parang tulala rin ito. Pero sinagot siya nito. "Namatay ka na. Bakit bumalik ka pa. Masaya na kami ni Harry kasi wala ka na. Pero bumalik ka pa rin." nag-angat ito ng matalim na tingin sa kaniya.
Sandaling tiningnan lang ni Leia ang kakambal. Looking at her now nakita niya ang pagkakaiba nila bukod sa magkaparehong mukha. Nagalit din siya pero hindi tulad ng galit na nakikita niya sa mga mata ni Lana. Mabigat ang mga emosyon nito. Siguro dahil sa mga pinagdaanan nito. At sinusubukan niya itong intindihin ngayon. Tama pa rin si Lana na wala siyang alam sa mga nangyari rito bago nakabalik sa mga magulang nila. Sa kanilang dalawa maswerte pa rin si
