Kinabukasan ay nagising ako sa malakas na boses ni Cole.
“Paanong nawawala?! Paano kayo natakasan, mga tatanga-tanga kayo!” galit nitong sigaw sa katawagan na nasa kabilang linya.
Kahit parang inaantok pa ay hindi ko mapigilan ang lihim na mapangisi. Malamang si Mia ang kanyang tinutukoy na nakatakas.
“Sige, papunta na ako riyan! Maghanap lang kayo sa paligid, siguradong hindi pa 'yan nakakalayo! Pero imposibleng tumakas 'yan, tingnan niyo muna ang mga CCTV footage sa paligid, baka may kumidnap sa kanila nang hindi niyo namamalayan, you idiots!” Matapos ang tawag ay agad na nitong ibinulsa ang phone at inis na napahilamos sa mukha, pero nang mapaharap sa akin ay agad na natigilan.
“Bakit parang galit ka yata, babe? Sino ba 'yung tumawag?” kunwari ay inaantok kong tanong at napaunat-un
