NAGISING akong mag-isang nakahiga sa kama. Nang mapatingin ako sa paligid ay hindi ko inaasahan na nasa loob na pala ako ng secret room kung saan nakatago ang mga green liquid na nakita ko.
Bigla akong nataranta at babalikwas na sana ng bangon, pero gano'n na lang ang pagkagulat ko nang mapagtantong naka-belt pala ang mga paa at braso ko sa bed na aking kinahihigaan.
Nilukob na ako ng takot. Bigla kong naalala ang napanood kong footage kung saan tinuruan ako ng likidong 'yun, ganitong-ganito rin ang posisyon ko nu'n, nakatali sa kama.
“Cole? Cole! Pakawala mo ako rito!” malakas kong sigaw at agad na nagpumiglas. Pero talagang mahigpit ang pagkaka-belt sa akin dahil kahit anong pumiglas ko ay hindi pa rin ako makawala, ni hindi ako makabangon kahit anong pilit ko.
“Cole babe! Babe, plea
