Sa araw ring iyon ay agad tinungo nina Rose at Juliana ang istasyon ng mga pulis na malapit sa kanilang inuupahang bahay.
Hawak-kamay silang pumasok doon pero bumitaw bigla si Rose sa kaibigan. May nilingon kasi siya sa likurang kanilang nilampasan. Para bang.. para bang may nahagip kasi siya na itim na bagay sa gilid ng kanyang mga mata.
"Bakit Rose?" maang na tanong ni Juliana sa kanya.
"Rose bakit?!" yugyog ni Juliana sa braso niya nang hindi pa rin agad siya sumagot.
Luminga-linga siya sa paligid.
"Magsalita ka nga Rose! Bakit anong prblema?" kinabahan na talaga si Juliana.
Mayamaya ay nahimasmasan si Rose. Sinabi niyang parang nakita niya si Yvonne! Ang babaeng nakabelong itim!
"Ha?! A-asan siya?" natakot na ring bigkas ni Juliana.
Kapwa na sila takot na takot.
"Malikmata ko
