CHAPTER 24
KISSES
Hindi malaman ni Kisses kung magpapasalamat ba siya o ano nang tuluyang bumaba siya sa kotse ni Eco. Ano nga ba ang hitsura nilang dalawa? He’s a giant. Nakaipit pa sa kili-kili nito ang salamin ng bintana ng sasakyan at maya-maya pa ay ipinatong sa braso ang baba na parang nagpapa-cute.
Sa bawat pagkakataon na napapasulyap siya sa mukha nito ay hindi maiwasan na makita rin niya ang labi nito. Naalala niya kung paano siya nito hinalikan na ikinapawi ng lipstick niya. Ngayon ay unti-unting rumirehistro sa kanyang isip ang katotohanan, and that truth brings fear.
“A-Ano naman hong ginagawa niyo?” sa wakas ay naitanong niya matapos na maisukbit ang bag.
“Nagpapa-cute.” he frankly said.
Kung umiinom lang siya ng kape, malamang naibuga na niya sa biglang pagtawa. Really?
