GEORGE
NAKAILANG ikot din ako sa aking kwarto bago ako tuluyang nakapagdesisyon na magtungo sa opisina. Katulad nga ng nauna kong sinabi ay hindi ko pa masyadong kilala ang Grant na nakasama ko sa aking apartment sa loob ng ilang linggo. Hindi ko sigurado kong kaya nga niyang gawin ang kanyang banta. That leaves me with no choice but to face him.
Hindi ko alam kung anong dapat kong iakto sa pagkakataong makaharap ko siyang muli matapos ang ilang linggong pag-iwas ko sa kanya. Idagdag pa ang nangyari kanina. Hindi ko rin lubos na maintindihan kung ano bang gusto niyang mangyari. Sigurado akong ginamit lang niya ako bilang pampalipas oras at tinanggap ko na iyon. Hindi ako desperada upang maghabol pa sa kanya. May respeto pa rin ako sa aking sarili kaya kahit na nga ba ganoon ang nangyari
