GEORGE
ISANG linggo mula nang huli kaming magkita ni Grant. Kasalukuyan ako ngayong naghahanda ng aking mga gamit. Ngayon kasi ang araw ng aming pag-alis patungo sa Batanes na ipinangako ni Grant sa aming mga writers bilang bonus.
Wala na akong narinig mula kay Grant matapos ng huli naming pag-uusap. Mas lalo ko na ring pinipilit ang aking sarili na kalimutan na lamang siya. Lalo na ngayong pinili na niyang ayusin ang pagsasama nila ng kanyang asawa.
Maya-maya ay biglang tumunog ang aking telepono. Agad ko iyong sinagot nang makita ang pangalan ni Blessie sa screen ng aking cellphone.
"Oh, kumusta 'yong pusa mo?" bungad niya sa akin.
Napairap na lamang ako sa hangin dahil sa pagiging mausisa nito. Hindi talaga nito nakalimutan ang palusot ko noong nakaraang linggo.
"Ayon malusog nama
