"Anong nangyari?" Tanong ko sa kanang kamay ni mama na tumawag sa akin at binalitang itinakbo nila si mama dito sa ospital.
"Inatake sa puso ang old lady, young master." Pagbabalita nito bago niya ako binigyan ng daan para makalapit sa hospital bed ni mama.
Nakaupo lang si mama. Hindi halata dito na may sakit siya kaya hindi ko mapigilan ang magpakawala ng isang malalim na paghinga.
Heto na naman kami. Nagpapanggap na naman siya na may sakit para lang sundin ko ang gusto niya.
"Mama, ano na namang pakulo ito?" Hindi ko itinago ang iritasyon ko sa katotohanan na nagpapanggap nga lamang siya.
"Hmp!" Tanging naging tugon ni mama sa tanong ko sa kanya at pairap pa talagang tumingin sa akin.
Ilang sandali pa ay hawak na niya ang tapat ng kanyang puso na tila siya nahihirapang huminga.
"
