"HOW'S the honeymoon?" tanong ni Sylvie na may naglalarong nakakalokong ngiti sa mga labi. Kahapon ay nakauwi na sila ni Glenard. Sa rancho sila tumuloy. Nakakalungkot lang dahil wala na sina Pauline at Sabrina doon pag-uwi nila. Nasa honeymoon pa sila nang tumawag ito at si Brent at ibinalitang napagpasyahan ng mga ito na tuluyan ng magsama. Iniuwi na ng beterinaryo sa bahay nito sa bayan ang mag-ina. Si Sylvie naman ay may dinaanan lang daw malapit sa kanila kaya dumaan na rin para kumustahin siya. Pilya siyang napangiti. Bigla ay pumasok sa isip niya ang naging honeymoon nila ng asawa. Sa loob ng dalawang linggong pamamalagi nila sa Batanes ay hindi sila pumalya sa pagla-lovemaking tuwing gabi. Minsan nga ay kahit sa umaga. Kapag nag-initiate kasi si Glenard na ayaw niyang hindi ito nap
