LIEGH
Narito kaming lahat nang buong pamilya ko sa loob ng nursery room. Gustong makita ng mga magulang ko ang mga anak ko kaya pagkatapos naming mag-usap-usap sa sala kanina ay sinahan ko sila dito.
"Grabe ang yaman pala ni Kuya Declan, ate. K'warto pa lang nang mga anak n'yo, mas malaki pa sa bahay natin sa Davao, " bulalas ni Andrea na gumagala ang paningin sa buong paligid.
"Kumusta ka dito anak? Hindi ka ba nahihirapan kasama sila?" tanong ni mama.
Umiling ako at ngumiti sa kanila. Si papa tahimik lang, kanina pa siya nakikiramdam sa paligid at mga nangyayari. Alam kong malaking truma sa kanila ang ginawa ni Jacob kaya nag-aalala ako sa mental health ng pamilya ko.
"Mabait at mabuting tao po ang pamilya at mga magulang ng asawa ko, mama. Wala po akong masasabing kung ano sa kani
