Apat na araw bago ang Grand Elite Ball, tulad ng ipinangako ni Magnus ay ipinatawag nito ang lahat, hindi lang ang pamilya ko kundi ang iilang kilalang tao na rin. Nag-organisa siya ng isang piging kung saan imbitado ang ilan sa mga prominenteng tao mula sa politika hanggang sa industriya ng showbiz.
"Magnus, sigurado ka na ba dito?" Tanong ko dito habang inaayos ang kurbata nito.
"Of course, why wouldn't I?" bulalas nito saka niya ako ginawaran ng mabilisang halik sa noo. Napapansin ko na nagiging ugali na nito ang halikan ako sa noo. "Stop worrying too much, this is the day," dagdag nito.
Sabay kaming lumabas ng silid at nang dumungaw kami ay napakarami ng bisita sa bulwagan. Habang naglalakad kami ay naririnig ko na ang napakagandang himig ng musika na pinapatugtog mula sa grupo ng
