Magtatanghali na nang dumating sila ni Dean sa Ramona Falls- isang private falls na pag-aari ng mga Monreal.
"First time kong makapunta rito, heart." Namamanghang inilibot ni Joanna ang tingin sa paligid. Nahagip ng mga mata niya ang isang may hindi kalakihang resthouse na nakatayo ilang metro mula sa falls. Malinis at maayos din ang paligid. Mukhang alagang-alaga. "Totoo nga ang ini-imagine ko noon. Napakaganda rito."
"Mas maganda 'to, heart, kapag ako ang nag-iimagine. Kasi kasama ka sa imagination ko," pilyong sagot ni Dean. At bago pa man makahuma si Joanna ay mistulang papel na binuhat siya ng nobyo. "Dahil dito ko bubuuin ang panganay natin. Ang magiging junior o juniora ko at ang magiging kapatid ni Tom-ton."
Tinampal niya kunwari ang mukha ni Dean na umaapaw sa tuwa. "Baliw! Ano
