Masakit ang ulo ni Joanna nang magising siya. Kukusot sana siya ng mga mata nang malamang nakatali pala ang mga kamay niya. Pati mga paa ng dalaga ay nakagapos din. Pero nasa kuwarto at kama pa rin siya ng resthouse na pinagdalhan sa kaniya ng nobyo kanina.
Lihim na napamura si Joanna nang maalala ang nangyari. Tinurukan nga pala siya ni Dean ng tranquilizer. Kapagkuwa'y pinakiramdaman niya ang paligid. Wala siyang ibang naririnig bukod sa lagaslas ng tubig na nagmumula sa falls.
"Dean! Dean! Dean!!" sunod-sunod at malakas na sigaw ni Joanna ngunit walang sumagot.
Kinapa niya sa bulsa ang cellphone ngunit wala. Hindi rin niya makita sa paligid.
Nahihirapan man ay pilit na gumapang si Joanna palapit sa bintana. Nanlaki ang mga mata niya nang mula sa maliit na butas ay nakita niyang pa
