Napatili si Joanna nang bigla na lang siyang buhatin ni Dean, ngunit may pag-iingat, pabalik ng master bedroom, na karugtong lang ng terrace na kinaroroonan nila.
"Baka mabitiwan mo kami ni baby, heart, ha," kunwa'y saway ni Joanna sa asawa. Bagama't hindi maitago ang kilig sa mukha niya. "Ang bigat-bigat ko na kaya. Kaunting-kaunti na lang, dambuhala na ako."
Nilukutan siya ni Dean ng ilong. "Kahit maging dambuhala ka pa, heart, hindi ako mananawang buhatin ka."
"Kahit hindi na bumalik sa dati ang katawan ko? Kahit puro fats at stretchmark na lang ako?"
He gently poked her nose. "Oo naman! Bakit ko naman hindi mamahalin ang mga fats at stretchmarks mo? Eh, nangyari lang naman ang mga 'yon sa'yo dahil binigyan mo ako ng anak. Ang iba ngang mag-asawa diyan, eh. Problema nila ang fertili
