NAGISING si Tiffany nang gumalaw ang kamang kinahihigaan niya. May umupo. At nang imulat niya ang kanyang mga mata ay si Vicky lang pala.
"Good morning! Ay, hindi wait..." Sinipat ni Vicky ang pambisig nitong relo, "good noon na pala kasi alas onse na ng tanghali."
Ang lakas ng "Huh?!" niya pagkarinig niya niyon kasabay ng pagbalikwas niya ng bangon. Nawala ang antok niya sa nalamang oras.
"Patay! Baka naiwanan na ako ni Sir Bearlan!"
"Ops! Ops! Chill!" pigil sa kanya ni Vicky sa pagbangon.
"Si Sir Bearlan?! Nasa'n siya?! Bakit hindi mo ako ginising?" natataranta pa rin niyang mga tanong.
"Sabing chill lang dahi hindi ka niya talaga pinagising. Hayaan lang daw namin na matulog ka kasi nga puyat ka raw. Saan ba kayo galing kahapon, ha, at hindi ko na namalayan ang pagdating mo? Nagisi
