KABANATA 12:
BUMABA ako ng Bus ng andoon na si Dana. Bitbit ang isang itim na paper bag na hula ko ay iyong ipapa-suot niya sakin. Sunod-sunuran lang ako sa kanya dahil hindi ko naman alam kung saan iyong boarding house na tinutukoy niya.
“Ito po ang bayad.” Inabot ni Dana ang three hundred pesos na bayad ko para sa gabing iyon.
“Ito ang susi. Ang CR nasa dulo. May kanya-kanyang CR naman kada floor. Bale ang bisita ay hanggang alas-otso lang ng gabi,” sabi ng babaeng may-ari ng bahay.
Pinasadahan ko ang apat na palapag na bahay. Puro kwarto at ang akin ay nasa ikalawang palapag at sa dulo. Tumango si Dana kaya umakyat na kaming dalawa. Pagbukas ng pinto ay bumungad sakin ang may kaliitang kwarto. Tama lang talaga sa isa. May single bed
