KABANATA 25:
KITANG-KITA KO ANG HIYA SA mukha ni Micay habang kumakain siya ng dala kong lugaw. Hindi ko alam kung ano ang nakakahiya sa pagdalaw ko sa kaniya dahil may sakit siya. Panay ang sulyap niya sa nanay niyang abala sa cellphone.
"Bakit ba kasi nahihiya ka?" pabulong na tanong ko.
Nag-angat siya ng tingin sa akin, sumulyap muli sa nanay niya at saka ibinalik ang tingin sa akin.
"Alam ko ang iniisip ni nanay, malamang na iniisip niyang boyfriend kita," sagot niya.
Napangisi ako. "Hayaan mo na, ang importante alam nating hindi."
Ngumuso siya at saka kumain muli ng lugaw. Halata kong masama ang pakiramdam niya dahil nakikita ko sa mga mata niya. Pero nahihiya naman akong tanungin lalo na at alam kong nand'yan ang nanay niya. Hindi ko alam kung nasabi na ba niya ang tungkol sa k
