KABANATA 24:
PAGKAHATID KO NG MGA DAMIT sa bahay ni Ate Alda, kahit na nagtataka siya kung bakit ko nga ba iyon ibinigay sa kaniya, hiningi ko na lang ang number niya para kausapin siya mamaya kapag lunch break. Ma-le-late na kasi ako at wala na rin akong oras para magpaliwanag pa.
Buong klase, hindi ako mapakali dahil sa kaiisip kay Micay. Kung ano na ba ang nangyari sa kaniya, kung bakit sumama ang pakiramdam niya. Dahil ba iyon sa akin dahil isinama ko siya sa Nasugbu? Tulala lang tuloy ako sa harap professor namin habang nagkaklase, bawat prof na dumating, ganoon lang ang ginawa ko. Tumitig habang nagkaklase kahit na hindi naman na-a-absorve ng utak ko ang lahat.
Nang maglunchbreak, tumunog na naman ang phone ko dahil sa tawag galing kay Owen. Ayaw ko pa sanang sagutin pero dahil sa
