KABANATA 23:
JHON FLOYD POINT OF VIEW:
KAAGAD NA IBINAGSAK KO ANG KATAWAN ko sa malambot kong kama pagkapasok na pagkapasok ko sa kwarto. Napagod ako, at medyo may tama pa rin naman ako dahil sa beer na nainom ko per at least kahit papaano, hindi na ganoon kalakas.
Sobrang tahimik ng bahay. Kahit na may kasambahay naman, malungkot pa rin. Kailan ba huling naging maingay ang bahay na 'to? Ah, no'ng birthday pala ni mommy, nagkaroon kasi ng party.
Bilang Jhon Floyd Pamplona, nag-iisa lang akong anak. Sabi sa akin ni mommy, hindi na raw ako nasundan pa dahil hindi na raw sila makabuo ni daddy dahil sa dalang nilang magkatagpo. Parehong C.E.O ang mga magulang ko ng kani-kaniya nilang kumpanya.
Ang saklap.
Kung siguro ang iba, iisiping napakaswerte ko na dahil anak ako ng dalawang mayayam
