KABANATA 20:
BIGLANG NAPATAAS ANG KILAY KO sa sinabi ni Ployd sa akin. Hindi ako makapaniwala na nagseselos siya, anong ibig niyang sabihin d'on? Bakit naman siya magseselos gay'ong wala naman siyang dapat ikaselos?
"Huwag mong sabihing may gusto ka sa akin kaya ka nagseselos?" gulantang na tanong ko sa kaniya.
Nanlaki ang mga mata niya sa sinabi ko. Tila ba nagulat siyang alam ko ang tunay niyang nararamdaman!
Napasinghap na lang ako roon, "naku naman, Ployd! Alam kong natural na maganda ako kaya kahit lumaki na ako ngayon sa hirap, maganda pa rin ako. Pero alam mo namang mahal ko si Rufert! At saka 'di ba sabi mo may gusto ka kay Addilyn? Diyos ko, Ployd! Tigil-tigilan mo na 'yan!"
Umawang ang labi niya saglit pagkatapos ay dinilaan iyon hanggang sa tuluyan siyang natawa. Kumunot n
