MATEO
Matapos kong maligo, napasukan kong mahimbing ng natutulog ang mahal ko. Kinuha ko ang kumot at kinumutan si Bianca hanggang sa dibdib, at pagkatapos ay umupo sa gilid ng kama at pinagmasdan siya.
Nakasuot na naman ng hapit na short si Bianca. Masakit ito sa aking mga mata, pero sinarili ko na lang ang tungkol dito dahil nandito lang naman kami sa silid.
Maraming tao dito sa bahay nina Sheng, pero nagpipigil akong huwag magreklamo at sabihin na magpalit siya ng jogger na nakita ko sa loob ng dala niyang maleta, dahil baka biglang sumama ang loob niya sa akin kapag ginawa ko iyon.
Ang totoo ay naaalibadbaran ako sa baba kanina, lalo na kapag nahuhuli kong nakatingin si Dylan sa kanya habang kumakain kami. Kahit alam ng gagong iyon na kasama ako ni Bianca at katabi pa niya, ay wal
