NILAPAG ni Maggie sa harap niya ang mug ng isang bagong timpla na kape bago nagtimpla ng isa pa para sa sarili. Um-order ito ng breakfast para sa kanilang dalawa. Pinagsisilbihan siya nito kahit na hindi na maipinta ang mukha ng babae dahil sa inis.
Nagbuga siya ng hangin bago hinarap ito. "Look, about what happened last night—"
"Huwag na natin pag-usapan iyon." Hinarap siya ng dalaga at pilit na nginitian. "Problemado ka kagabi, pero sa halip na intindihin kita, mas lalo lang akong naging pabigat. I'm sorry."
Hindi siya sumagot sa mga sinabi nito. Wala siya sa sariling isip kagabi dahil sa naging resulta ng usapan nila ni Patti. Kaya nang banggitin nito ang pangalan ng asawa niya at kung anu-ano pa ang sinabi, agad na nagdilim ang paningin niya.
Kinuha niya ang mug ng coffee at bahagy
