BIGLANG bumukas ang pintuan ng unit ng dalagang si Maggie at diretsong pumasok si Andriano. Makikita agad ang inis sa mukha ng lalaki nang mahanap ng mga mata ang babae.
Nakaupo si Maggie sa carpeted na sahig sa tabi ng mahabang sofa sa sala. Hawak nito ang isang bote ng alak sa isang kamay, magulo ang buhok at kalat ang maskara sa gilid ng mga mata.
Padabog niyang isinara ang pintuan na naglikha ng malakas na ingay, saka lumapit sa babae. "Ginawa mo ba?"
Hindi sumagot si Maggie, sa halip ay tinungga nito ang hawak na alak bago nagsimulang lumuha.
"Goddammit, answer me! Ginawa mo ba!"
"I told them not tell you!" sigaw nito pabalik na ikinatigil niya.
Kanina habang nasa harap siya ng nightclub, nakatanggap siya ng tawag mula sa isang tao galing sa building kung nasaan ang condominium
