Matagal na natigilan si Andriano habang nakatitig sa umiiyak na mukha ni Patti. Pulang-pula ang mukha nito at puno ng luha ang mga mata.
Sa mahigit dalawang buwan na pagsasama nila ng babae, ngayon niya lamang ito nakita sa ganoong ayos. At masakit sa kaniya na siya ang dahilan ng mga luhang iyon.
Mariin niyang kinuyom ang mga kamao bago tumalikod at lumabas ng kuwarto. Wala siya sa sariling isip nang patakbuhin niya ang kotse palabas ng gate ng mansiyon.
Wala siyang nagawang trabaho buong araw dahil sa masamang balita na natanggap nila mula kay Dr. Arasad. Masakit man pero nang piliin ni Patti na umalis ng ospital, hinayaan niya lamang ito.
Umaasa siya at naniniwala na magagawan pa nila ng paraan ang problema. Agad niyang kinausap ang mga kakilala niyang magagaling na doctor sa ibang
