Blythe
NAGISING ako nang may yumugyog sa akin habang mahimbing ang tulog ko sa kama. Pagmulat ko ng mga mata ko ay isang matandang babae ang bumungad sa akin na kung hindi ako nagkakamali ay siya ang mayordoma dito sa kastilyo.
“Bumangon ka na at suotin ang uniporme mo. Kailangan mo nang pagsilbihan si Sir.”
Pupungas-pungas naman akong bumangon. “B-Bakit po anong oras na ba?”
Nang mapatingin ako sa wall clock ay nakita kong 12 AM pa lang pala.
Hatinggabi pa!
“Dalhan mo si Sir ng tea sa kaniyang kuwarto.”
Sumimangot na ako. “Ha? Iinom pa po siya ng tea? Eh hatinggabi na ah,” I complained, frowning.
Sumama bigla ang tingin sa akin ng mayordoma. “Umiinom ng tea si Sir bago matulog sa gabi. Pasado alas dose na siya natutulog minsan dahil sa dami niyang ginagawa sa gabi. Kaya huwag ka
