SABAY kaming nag-dinner sa loob ng malawak na dining room. Nasa dulong bahagi ng table nakaupo si Vaughn, at magkatabi naman kami ni Tristan. Ayaw ko sana siyang makatabi pero tumabi sa akin.
Nilagyan pa ako ni Tristan ng pagkain sa plato ko at nginitian na parang walang nangyari. Pero tipid lang akong ngumiti sa kaniya at iniwas na ang tingin.
Hindi naman ako galit sa kaniya. Pero medyo nagtatampo pa rin ako dahil sa biglang pagsugod sa akin ng girlfriend niya nung araw na ’yon. Ang sabi kasi niya sa akin ay wala raw siyang girlfriend. Napakasinungaling niya. Kaya hindi ko mapigilan ang mainis. Ayoko kasi talaga sa mga taong sinungaling.
“Sweetheart, galit ka ba sa akin?” tanong ni Tristan na hindi na nakatiis pa. “Pansin ko kasi mula kanina mo pa ako iniiwasan. Galit ka pa rin ba dahi
