HUMINTO ang sasakyan sa harap ng isang lending building na may kalumaan na.
Kinutuban na ako. Nagkautang na naman ba si Kuya sa iba?
Pagkababa ng sasakyan ay dinala ako papasok ng mga lalaki sa building. Wala akong nagawa kundi sumunod lang kahit na ang totoo ay gusto ko nang tumakbo palayo para tumakas.
Hanggang sa huminto ang mga ito sa harap ng isang nakasaradong pinto at kumatok. Tatlong katok at saka pinihit na ng isang lalaki ang doorknob. Sinenyasan na ako nitong pumasok, kaya napasunod na lang ako nang tahimik.
Pero sobrang kabado ko na at napapisil na ako sa aking kamay na parang namamawis na.
Isang nasa mid-60s na matandang lalaki ang nakita kong nakaupo sa swivel pagkapasok ko. Kasalukuyan itong humihigop ng kape sa puting mug, pero agad na nangunot ang noo nito nang makit
